“Xəzər Lənkəran” “Xəzər Lənkəran”a qarşı

07.02.2011 - 14:46

Premyer Liqanın XX turunun mərkəzi oyununda “Neftçi” ilə qarşılaşacaq “Xəzər Lənkəran” fevralın 13-dəki qarşılaşmayadək yoldaşlıq görüşündə qüvvəsini sınayacaq. Apasport.az saytının məlumatına görə, rumıniyalı baş məşqçi Mirça Rednik komandasının nəyə qadir olduğunu bir daha görməyi lazım bilib.

Bu məqsədlə də “Xəzər Lənkəran” əvvəl öz əvəzedici heyəti ilə oynayacaq. Yoxlama görüşü fevralın 9-da baş tutacaq. Lənkəranlı azarkeşlər üçün bu görüş həm də yeni transferləri ilk dəfə doğma arenada görmək şansı olacaq. Lənkəran şəhər Mərkəzi Stadionunda keçiriləcək oyun saat 17:00-da başlanacaq ki, bu qarşılaşmaya giriş pulsuz olacaq.

Mənbə: lankaranfc.com