Azərbaycanlı məşqçi Ramiz Məmmədovun çalışdırdığı Qazaxıstanın “Atırau” klubunun qış hazırlıq planında dəyişiklik edilib. Apasport.az saytının məlumatına görə, Türkiyənin Antalya şəhərindəki ikinci təlim-məşq toplanışını dünən başa vurub geri dönməli olan atıraulular kurort bölgəsindən ayrılmayıblar. Buna toplanışın vaxtının dəyişdirilməsi səbəb olub.

Yanvarın 25-də başlayan ikinci toplanışı fevralın 8-də bitirməli olan “Atırau”nun rəhbərliyi yola gərəksiz yerə pul və vaxt xərcləməməyi lazım bilib. Belə ki, daha 12 gün – fevralın 20-dək Antalyada qalmağa qərar verilib.

Qeyd edək ki, Məmmədovun komandası Qazaxıstan çempionatına sifariş vərəqini fevralın 27-də təqdim etməlidir.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı