“Mənim üçün vurduğum qolların sayı vacib deyil. Əsas odur ki, həmin qollar komandaya qələbə qazandırsın”. Apasport.az saytının məlumatına görə, bu sözləri Bakının “Neftçi” klubunun futbolçusu Bahodir Nasimov deyib.

Özbəkistanlı hücumçusu XX turda qarşılaşacaqları “Xəzər Lənkəran”la oyundan öncə azarkeşlərlə görüşdə onlara qələbə söz verib: “Hazırda “Neftçi”də gözəl, yüksək səviyyəli futbolçulardan ibarət kollektiv formalaşıb. Bura bir ailə kimidir. Klub prezidenti daim bizimlə maraqlanır, məşqlərimizi belə qaçırmır. Yəni, biz bütün diqqət və qayğı ilə əhatə olunmuşuq. İnşallah, burda qalacağam. Komanda ilə avrokuboklarda öz sözümüzü deyəcəyik. “Neftçi” ən yaxşı yerlərə layiqdir”.

• Ernandesdən "Milan" qərarı
• Dalota İspaniyadan müştəri
• "Bavariya" Noyerə iki əvəzləyici tapıb
• “Arsenal”dan Çempionşipə
• “Torino”da yeni müqavilə