Şensoyun ilk məğlubiyyəti, “Neftçi” və “İnter”dən darmadağın

19.02.2011 - 17:53

Bu gün Azərbaycan Premyer Liqasında XXI turun oyunlarına start verilib. Apasport.az saytının məlumatına görə, turun ilk günündə 3 qarşılaşma baş tutub ki, bunların da hamısında qonaqlar qələbəni bayram ediblər.

Günün ilk matçında “Turan” “Bakı”nı qəbul edib. “Altılıq” uğrunda mübarizə aparan “zolaqlılar” çətin Tovuz səfərində son qarşılaşmadakı xal itkisini unutdurmağı bacarıblar. Onlar Jabanın vurduğu qolla türkiyəli Naci Şensoyun 6 illik fasilədən sonra “Turan”ın baş məşqçi postunda tovuzlu azarkeşlər qarşısında siftəsini korlayıblar. “Bakı” qələbə sayəsində müvəqqəti olsa da, 6-cı pilləyə yüksəlib. Onların turun yekununda bu yerdə qalıb-qalmayacaqları isə sabah keçiriləcək “Muğan” – “Qəbələ” görüşündən sonra müəyyənləşəcək.

Çempionatın lideri olan “Neftçi” növbəti qələbəsini qazanıb. Arif Əsədovun yetirmələri Zaqatalada “Simurq”u böyük hesabla məğlub ediblər. “Ağ-qaralar” növbəti 3 xalı 3 qolla aktivlərinə yazıblar.

Liderlərdən bu tur ən asan sınaq “İnter”in olub. Son çempion və “Birlik kuboku”nun qalibi axırıncı pillədə gedən MOİK-i darmadağın edib. İlk hissədə rəqibini 2 dəfə cəzalandıran “bankirlər”, növbəti hissədə də eyni sayda fərqləniblər.

19 fevral

14:00. “Turan” - “Bakı” - 0:1
QOL: Jaba, 8
Hakimlər: Vüsal Əliyev, Coşqun Həsənov, Elman Musayev, Əliyar Ağayev
Tovuz. Şəhər stadionu
İlk dövrədəki oyun – 1:3

15:00. “Simurq” - “Neftçi” - 0:3
QOLLAR: Rəşad Abdullayev, 11; Ruslan Abışov, 22; Flavinyo, 53
Hakimlər: Elçin Məmmədov, Mehman Mahmudov, Aydın Ələkbərov, Teymur Fərhadov
Zaqatala. Olimpiya İdman Kompleksinin stadionu
İlk dövrədəki oyun – 0:4

16:00. MOİK - “İnter” - 0:4
QOLLAR: Dmitri Kruqlov, 40; David Odikadze, 45; İlia Kandelaki, 79; Vlodimir Levin, 80
Hakimlər: Rauf Cabbarov, İsgəndər Əliyev, Zeynal Zeynalov, Alik Yunusov
Bakı. "Şəfa" stadionu
İlk dövrədəki oyun – 0:1

20 fevral

13:00. "Gəncə" - "Qarabağ"
Hakimlər: Anar Salmanov, Mübariz Haşımov, Vaqif Musayev, Hacıəli Ağayev
Gəncə. Şəhər stadionu
İlk dövrədəki oyun – 0:3

15:00. "Muğan" - "Qəbələ"
Hakimlər: Əfqan Həmzəyev, Yaşar Abbasov, Aleksandr Musatkin, Feyzulla Feyzullayev
Bakı. "Şəfa" stadionu
İlk dövrədəki oyun – 0:2

17:30. "Xəzər Lənkəran" - AZAL
Hakimlər: Fariz Yusifov, İlham Əliyev, Eldar Nağıbəyov, Elvin Əsgərov
Lənkəran. Şəhər mərkəzi stadionu
İlk dövrədəki oyun – 1:0

Turnir cədvəli

1	Neftçi	21	13	6	2	39-9	45
2	Xəzər Lənkəran	20	12	5	3	23-10	41
3	İnter	21	12	4	5	23-13	40
4	Qarabağ	20	11	3	6	24-13	36
5	AZAL	20	9	8	3	26-14	35
6	Bakı	21	9	5	7	28-21	32
7	Qəbələ	20	8	6	6	19-13	30
8	Gəncə	20	5	8	7	23-26	23
9	Muğan	20	5	6	9	12-23	21
10	Turan	21	3	6	12	16-30	15
11	Simurq	21	2	6	13	12-33	12
12	MOİK	21	1	3	17	6-46	6