“Turan” yaxşı komandadır. Oyunda baş məşqçi Naci Şensoyun işi hiss olunurdu”. Bu sözləri apasport.az saytına açıqlamasında “Bakı” klubunun yarımmüdafiəçisi Mahmud Qurbanov deyib.

Hesabat turunda “Turan”la qarşılaşmada qələbə (1:0) qazanan “Bakı” “Qəbələ”nin məğlubiyyətindən maksimum faydalanıb. Belə ki, paytaxt təmsilçisi aktivinə 3 xal yazdırmaqla, altıncı pilləyə yüksəlib.

Ancaq “Turan”la matçdan öncə paytaxt təmsilçisinin asan qələbə qazanacağı barədə müxtəlif fikirlər dolaşırdı. Təcrübəli futbolçu bunu təkzib edib: “Yalan sözdür. Ağır oyun oldu. “Turan”ın da qol vurmaq üçün imkanları oldu. Biz də fərqi artıra bilərdik. Qələbə çox çətin qazanıldı”.

Qurbanov əsas mərhələnin sonuncuna 1 tur qalmış ilk “altılıq”dakı yerlərini itirməyəcəklərini də vurğulayıb: “Düzdür, altıncı pillədəyik. Ancaq hələ təhlükəli zonadayıq. Buna baxmayaraq, sona bir tur qalmış şansımızı əldən verməyəcəyik. Bu qədər əziyyət çəkmişik”.

• İsmail Kartaldan sonra "Persepolis"dən bomba qərar
• "Qalatasaray" istədi, Premyer Liqa klubu aldı
• "Qalatasaray"dan Kökçü bombası: Danimarkalını göndərəcək, millinin üzvünü gətirəcək
• “El-Klassiko”lar bu tarixlərdə oynanılacaq
• Abraham “Qalatasaray” dedi, Adalı cavabladı: “Ən köklü bizik!”