Futzal üzrə Azərbaycan millisi sabah növbəti oyununa çıxacaq. Apasport.az saytının məlumatına görə, bu, yığmamızın baş məşqçisi Joze Alesio da Silvanın bu postda 22-ci matçı olacaq.

2008-ci ilin dekabrında bu posta təyin olunan braziliyalının rəhbərliyi altında baş tutan qarşılaşmalarda millimiz müsbət balansa malikdir. Belə ki, klublarla deyil, yalnız yığmalarla baş tutan əvvəlki 21 oyundan 2/3-də - 14-də komandamız qalib gəlib.

4 heç-heçəsi və 3 məğlubiyyəti olan komandamız rəqib qapılarından 92 top keçirdiyi halda, 49 dəfə rəqibləri qol sevinci yaşayıb.

Avro-2012-nin Bakıda keçiriləcək seçmə oyunları da Silva üçün yubiley əhəmiyyət də kəsb edə bilər. Buraxılan 50-ci qolun bu 3 matçdan birində qeydə alınacağı qaçılmaz görünürsə, 100-cü dəfə rəqib qapısına yol tapmaq da mümkündür.

Qeyd edək ki, yığmamız seçmə mərhələdə Qazaxıstan, Fransa və İspaniya milliləri ilə görüşəcək.

• İkardi "Qalatasaray" tarixinə düşdü: REKORDUN SAHİBİ
• “Napoli”nin futbolçusu əməliyyat olunacaq
• "Qarabağ"ın rəqibinə bir zərbə də "Siti"dən: 2 matçda 7 qol
• 18 yaşlı yarımmüdafiəçi rəsmən “Qalatasaray”da
• “Qalatasaray” avstriyalı futbolçu ilə yollarını ayırıb