Bu gün Azərbaycan futbolunun ən istedadlı nümayəndələrindən biri, uzun illər “Neftçi” klubunda çıxış etmiş mərhum Anatoli Banişevskinin anadan olmasının 65-ci ildönümüdür. Apasport.az saytının məlumatına görə, əfsanəvi futbolçunun yubileyi münasibətlə AFFA rəhbərliyi, “Neftçi” klubunun üzvləri, veteran və yeniyetmə futbolçular, futbol ictimaiyyətinin nümayəndələri Banişevskinin məzarını ziyarət ediblər.

Onun abidəsinin önünə əklil və gül dəstələri qoyulub, əfsanə ilə bağlı xatirələr yada salınıb. Tədbiri AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu açıb. Futbol veteranları Mübariz Zeynalov, Yaşar Babayev, İskəndər Cavadov, AFFA-nın baş katibinin müavini Elxan Əsədov çıxış edərək, Banişevskinin Azərbaycan futbolunun inkişafı üçün xidmətlərini vurğulayıb, onu hər zaman xoş xatirələrlə andıqlarını bildiriblər.

• "Fənərbaxça"dan növbəti transfer: Müdafiə xəttinə
• "Fənərbaxça" "Fatih Karagümrük"lə bərabərə qalıb
• Messi "Barselona"nın dəvətindən imtina edə bilər
• "Benfika" Orkun Kökçü transferinin detallarını açıqlayıb
• "Fənərbaxça"da şok ayrılıq: İstefa verdi