Avroliqada İtaliya klubu qalmadı

25.02.2011 - 02:03

Avroliqanın 1/16 final mərhələsinə yekun vurulub. Apasport.az saytının məlumatına görə, Türkiyənin avrokuboklarda yeganə təmsilçisi olan “Beşiktaş” klubu Kiyev “Dinamo”su ilə səfər oyununda da biabır olub. Yenə qapısından 4 top buraxan “Qara Qartallar” bu dəfə qol da vura bilməyib. Maraqlıdır ki, Vukoyeviç, Şevçenko və Qusev İstanbulda olduğu kimi, Kiyevdə də fərqlənib.

Avroliqada İtaliya klubu qalmadı. Belə ki, bu ölkənin sonuncu təmsilçisi olan “Napoli” İspaniyanın “Vilyarreal”la səfər oyununda hesabı açsa da, üstünlüyünü qoruya bilməyərək, uduzub.

“Rubin” Hollandiyada sensasiya imza atmağa çox yaxın olub. Belə ki, Kazan klubuna “Tvente” ilə iki oyuna görə hesabı bərabərləşdirmək üçün artıq ilk hissədə 2 dəqiqə yetib. Ancaq hollandlar buraxdıqları 2 qolun cavabını verərək, məğlubiyyətdən qaça bilib.

Digər Rusiya klubları isə mübarizəni davam etdirir. “Spartak” da MOİK kimi “Lujniki” stadionunda 1:1 hesablı bərabərliyə qalıb, səfərdəki qələbə hesabına keçib, “Zenit” isə əzmkar qələbə sayəsində mərhələ adlayıb.

22 fevral

MOİK (Rusiya) - PAOK (Yunanıstan) - 1:1
İqnaşeviç, 80 - Muslimoviç, 67
İlk oyun - 1:0

23 fevral

“Porto” (Portuqaliya) - “Sevilya” (İspaniya) -0:1
Luis Fabiano, 70
İlk oyun - 2:1

24 fevral

“Zenit” (Rusiya) – “Yanq Boyz” (İsveçrə) - 3:1
Lazoviç, 41; Semak, 51; Şirokov, 76- Jemal, 21 (p)
İlk oyun – 1:2

“Sportinq” (Portuqaliya) – “Reyncers” (Şotlandiya) - 2:2
Sapater, 10; Djalo, 83 - Diuf, 20; Edu, 90
İlk oyun – 1:1

“Liverpul” (İngiltərə) – “Sparta” (Çexiya) - 1:0
Kuyt, 86
İlk oyun – 0:0

“Spartak” (Rusiya) – “Bazel” (İsveçrə) - 1:1
Makkedi, 90 - Çipperfild, 15
İlk oyun – 3:2

PSV (Hollandiya) – “Lill” (Fransa) - 3:1
Djukjak, 55; Lens, 67; Marselu, 73 - Fro, 23
İlk oyun – 2:2

“Bayer” (Almaniya) – “Metallist” (Ukrayna) - 2:0
Rolfes, 47; Ballak, 70
İlk oyun – 4:0

“Vilyarreal” (İspaniya) – “Napoli” (İtaliya) - 2:1
Nilmar, 42; Rossi, 45+2 - Hamsik, 17
İlk oyun – 0:0

“Ayaks” (Hollandiya) – “Anderlext” (Belçika) - 2:0
Suleymani,11; 16
İlk oyun – 3:0

“Braqa” (Portuqaliya) – “Lex” (Polşa) - 2:0
Alan, 7; Lima, 35
İlk oyun – 0:1

“Dinamo” (Ukrayna) – “Beşiktaş” (Türkiyə) - 4:0
Vukoyeviç, 3; Yarmolenko, 54; Qusev, 63; Şevçenko, 73
İlk oyun – 4:1

“Mançester Siti” (İngiltərə) – “Aris” (Yunanıstan) - 3:0
Ceko, 7; 11; Yaya Ture, 75
İlk oyun – 0:0

“Tvente” (Hollandiya) – “Rubin” (Rusiya) - 2:2
Yanssen, 45+1; Douqlas, 47 - Ansaldi, 22; Noboa, 24
İlk oyun – 2:0

“Ştutqart” (Almaniya) – “Benfika” (Portuqaliya) - 0:2
Salvio, 30; Kardozo, 78
İlk oyun – 1:2

PSJ (Fransa) – BATE (Belarus) - 0:0
İlk oyun – 2:2