Futbol üzrə Azərbaycan milli komandası Peru yığması ilə qarşılaşa bilər. Apasport.az saytının məlumatına görə, cənubi amerikalı həmkarlarımız bu 2 komandanın martda yoldaşlıq oyunu keçirəcəyini iddia edir. Belə ki, Peru mətbuatı öz yığmalarının qarşıdakı ay rəqiblə 3 rəqiblə - Azərbaycan, Nigeriya və Cənubi Koreya ilə qarşılaşacağı haqda xəbərlər yayıb. Peru millisinin baş məşqçisi olan erməni əsilli uruqvaylı çalışdırıcı Serj Markaryan martın 20-də yetirmələrini Avropaya aparacaq.

Azərbaycan yığması isə martın 19-da Almaniyaya gedərək ayın 29-da baş tutacaq Belçika ilə oyunun hazırlıqlarını orda keçirəcək. Yoldaşlıq oyunları üçün ayrılan martın 25-i tarixinə isə yığmamızın rəqinbi yoxdur.

Qeyd edək ki, ötən il Peru Futbol Federasiyasının prezidenti Azərbaycana səfər edib AFFA rəhbərliyi ilə görüşmüşdü. Qarşıdakı matçın da həmin əməkdaşlıq çərçivəsində baş tutması mümkündür.

• Bir dövrün sonu - XORVATİYALI "REAL"DAN AYRILIR - RƏSMİ
• Almaniya millisinin heyəti açıqlanıb
• “Bayer”in futbolçusu Madridə yollanıb
• Mourinyo “Fənərbaxça”dan ayrılır?
• "Real" Rodriqonun transfer qiymətini müəyyənləşdirib