“Muğan” işini çətinə saldı

25.02.2011 - 18:18

Əvəzedici komandalar arasında Azərbaycan çempionatında XXII turun 3 oyunu keçirilib. Apasport.az saytının məlumatına görə, baş tutan matçlardan sonra daha 1 komanda ilk “altılığ”a vəsiqəni təmin edib. Bu, “Xəzər Lənkəran”ı məğlub edən “İnter” klubudur. Paytaxt təmsilçisi “Bakı”, “Turan”, “Qəbələ” və AZAL-ın ardınca buna nail olan 5-ci komanda olub.

Sonuncu vəsiqəyə isə “Muğan” iddia edirdi. Salyanlılar sonuncu pillədə olan və əvvəlki matçlarda cəmi 3 heç-heçə edib qalanlarında uduzan “Simurq”la qarşılaşmada 3 xal əldə etməliydi. Lakin “Muğan” futbolçuları səfərdə xal itirməklə özlərini çətin duruma salıb.

İndi salyanlıların taleyi öz əllərində deyil. “Altılıq” iddiası çoxdan tükənən MOİK və “Simurq”la qarşılaşacaq “Neftçi” 6 xal toplayacağı halda “Muğan” kənarda qalacaq. Əyalət təmsilçisi “ağ-qaralar”ın büdrəməsinə ümid etməyə məcburdur.

XXII tur
“İnter” - “Xəzər Lənkəran” - 1:0
“Qəbələ” - “Gəncə” - 2:0
“Simurq” - “Muğan” - 1:1

1	Bakı	22	15	4	3	54-14	49
2	Turan	22	14	3	5	38-20	45
3	Qəbələ	22	13	5	4	48-24	44
4	AZAL	22	11	7	4	32-18	40
5	İnter	22	9	7	6	38-32	34
6	Muğan	22	9	6	7	20-18	33
7	Neftçi	20	7	6	7	28-22	27
8	Gəncə	22	7	6	9	29-31	27
9	MOİK	21	5	6	10	23-36	21
10	Qarabağ	22	4	8	10	35-42	20
11	Xəzər Lənkəran	22	4	2	16	14-44	14
12	Simurq	21	0	4	17	15-73	4