“Xəzər Lənkəran” “İnter”i məğlub etdi

27.02.2011 - 17:59

Bu gün Azərbaycan Premyer Liqasının təsnifat mərhələsinə yekun vurulub. Apasport.az saytının məlumatına görə, XXII turun son oyunları baş tutub.

İkinci “altılıq”da oynayacaqları rəsmiləşən “Qəbələ” və “Gəncə” qolsuz “sülh”lə ayrılıb. Qar üzündən 1 saat gec oynamalı olan “Simurq”la “Muğan”ın görüşünün taleyini isə 1 qol həll edib. Salyanlılar sonda vurulan qolla uğurlu seriyanı davam etdiriblər.

Turun mərkəzi oyunu isə daha məhsuldar alınıb. Son ölkə çempionu “İnter”in qonağı olan “Xəzər Lənkəran” istəyinə 3 qolla çatıb.

“Neftçi”dən uzaq düşməməyə çalışan lənkəranlıların böyük hesablı qələbəsinə isə yalnız penalti imkan verməyib. “Birlik kuboku”nun bombardiri Girts Karlson komandasını biabırçılıqdan xilas edən təsəlli qolunu vurub. Lakin bakılılar bu turadək sahib olduqları 3-cü pillə ilə vidalaşıblar. Belə ki, “Qarabağ” 2 gün əvvəl “İnter”i arxada qoymuşdu.

25 fevral

"Qarabağ" - "Turan" - 5:1
QOLLAR: Elvin Məmmədov, 9; Georgi Adamiya, 10; 16; Rauf Əliyev, 53; Admir Teli, 90 - Fərmayıl Əliyev, 57
Hakimlər: Əliyar Ağayev, Mehman Mahmudov, İlham Əliyev, Anar Salmanov
Bakı. Tofiq İsmayılov adına Suraxanı qəsəbə stadionu
İlk dövrədəki oyun – 1:0

AZAL - “Bakı” - 0:0
Hakimlər: Elçin Məmmədov, Azər Əsgərov, Roman Vasilyev, Rəhim Həsənov
Bakı. "Şəfa" stadionu
İlk dövrədəki oyun – 3:2

"Neftçi" - MOİK - 1:0
QOL: Flavinyo, 40
Hakimlər: Ceyhun Haşımov, Yaşar Abbasov, Samir Hacıyev, Elnur Muradov
Bakı. Tofiq Bəhramov adına Respublika stadionu
İlk dövrədəki oyun – 4:0

27 fevral

14:00. "Qəbələ" - "Gəncə" - 0:0
QIRMIZI VƏRƏQƏ: Ramal Hüseynov, 42
Hakimlər: Ramil Diniyev, Azad Ə. Hüseynov, Azad Q. Hüseynov, Rasim Məmmədov
Qəbələ. Şəhər stadionu
İlk dövrədəki oyun – 0:0

15:00. "Simurq" - "Muğan" - 0:1
QOL: Con Pelu, 82
Hakimlər: Elvin Əsgərov, Rza Məmmədov, Elşən Acalov, Vüsal Əliyev
Zaqatala. Olimpiya İdman Kompleksinin stadionu.
İlk dövrədəki oyun – 0:1

16:00. "İnter" - "Xəzər Lənkəran" - 1:3
QOLLAR: Girts Karlson, 60-p - Hristu Kiaku, 9, Adrian Pit, 19, Uinston Parks, 50
Hakimlər: Rövşən Əhmədov, Ramiz Əsədov, Munis Abdullayev, Rauf Cabbarov
Bakı. "Şəfa" stadionu
İlk dövrədəki oyun – 0:0

Turnir cədvəli

1	Neftçi	22	14	6	2	40-9	48
2	Xəzər L	22	14	5	3	28-12	47
3	Qarabağ	22	13	3	6	30-14	42
4	İnter	22	12	4	6	24-16	40
5	AZAL	22	9	9	4	27-16	36
6	Bakı	22	9	6	7	28-21	33
7	Qəbələ	22	8	7	7	19-14	31
8	Muğan	22	7	6	9	14-23	27
9	Gəncə	22	5	9	8	23-27	24
10	Turan	22	3	6	13	17-35	15
11	Simurq	22	2	6	14	12-34	12
12	MOİK	22	1	3	18	6-47	6