Yığmamızın 2 üzvü “Top-20”də

28.02.2011 - 10:54

Futzal üzrə Avropa çempionatının seçmə mərhələsinin bombardirlərinin siyahısı açıqlanıb. Apasport.az saytının məlumatına görə, təsnifat və seçmə mərhələdə vurulan qolların sayında ikihakimiyyətlilikdir. Belə ki, türkiyəli Cihan Özcan və makedoniyalı Darko Ranqotov hərəyə 8 qol vurublar. Litva yığmasının üzvü Tomas Nemanis və fin Panu Autio 6 dəfə fərqləniblər.

5 qol vurub 5-ci yerə şərik olanların sayı isə 4 nəfərdir. Onlar arasında yığmamızın braziliyalı legioneri Serjao da var. Hərəyə 4 dəfə fərqlənib 10-20-ci yerlərə şərik olan 11 futzalçı arasında da 1 təmsilçimiz var. Bu, braziliyalı Biro Jadedir.

Qeyd edək ki, millimizi 8:3 hesabı ilə məğlub edən son Avropa çempionu İspaniyanın heç birt oyunçusu ilk 20-liyə düşməyib.