İntizamsızlar - STATİSTİKA

01.03.2011 - 00:05

Azərbaycan Premyer Liqasında qısa fasilə yaranıb. Apasport.az saytının məlumatına görə, başa çatan təsnifat mərhələsində 22 qırmızı vərəqə qeydə alınıb. Bunlar arasında meydana çıxmadan qovulan da olub ki, Xalidu Sissoko ehtiyat oyunçular skamyasından kənarlaşdırılıb.

Çempionatın intizamsız oyunçularına gəlincə, 21 nəfər müxtəlif səbəblərdən qarşısında qırmızı görüb. Onlardan biri – Əziz Quliyev Premyer Liqanın rekordçusu olub. Belə ki, o, cari mövsüm meydandan 2 dəfə qovulan yeganə oyunçudur. Lakin rusiyalı legionerin bu göstəricini daha da artırmağı istisna deyil.

Klublara gəlincə, “Neftçi”, “Xəzər Lənkəran”, “Qarabağ” və “İnter”in oyunçuları qırmızı vərəqə almayıb. Maraqlıdır ki, bu 4 komanda turnir cədvəlinin ilk 4 pilləsində qərarlaşıb. Bu isə belə qənaətə gəlməyə əsas verir ki, intizam olan yerdə nəticə də var.

Ən intizamsızların siyahısına isə “Bakı” başçılıq edir. 6 futbolçusu 7 qırmızı vərəqə alan paytaxt təmsilçisi MOİK-i 2 vərəqə qabaqlayır. Ən sərt hakim olan Vüsal Əliyev 6 dəfə belə oyunçuları qovmağı lazım bilib. Fariz Yusifovla Elvin Əsgərov 4 dəfə buna ehtiyac duyub.

Futbolçular

Bakı	Əziz Quliyev – 2 dəfə
MOİK	Amiran Qventsadze – 1 dəfə
Muğan	Cavad Mirzəyev – 1 dəfə
MOİK	Davud Kərimi – 1 dəfə
MOİK	Elçin Həşimov – 1 dəfə
Bakı	Emin Cəfərquliyev – 1 dəfə
MOİK	Fərid Həşimzadə – 1 dəfə
Bakı	İbrahim Karqbo – 1 dəfə
Qəbələ	Lyubo Baranin – 1 dəfə
Gəncə	Mətləb Məmmədov – 1 dəfə
Qəbələ	Milan Antiç – 1 dəfə
MOİK	Nuran Qurbanov – 1 dəfə
Gəncə	Rafael Əmirbəyov – 1 dəfə
Gəncə	Ramal Hüseynov – 1 dəfə
Simurq	Rasim Ramaldanov – 1 dəfə
Turan	Romuald Onana – 1 dəfə
Bakı	Silvinyo Joao de Karvalyo – 1 dəfə
Muğan	Taqim Novruzov – 1 dəfə
Bakı	Vadim Borets – 1 dəfə
AZAL	Vüsal Qarayev – 1 dəfə
Bakı	Xalidu Sissoko – 1 dəfə