“Gənclər” + “təyyarəçilər” = 200

01.03.2011 - 11:57

Sabah keçiriləcək AZAL – “Turan” oyunu meydan sahibləri üçün əlamətdar olacaq. Apasport.az saytının məlumatına görə, Azərbaycan kubokunun 1/4 finalının ilk oyunu paytaxt təmsilçisinin tarixində 200-cü yubiley matçıdır.

2004-cü ilin payızında AMMK (Azərbaycan Beynəlxalq Gənclər Komitəsinin rus dilində abreviaturası - red) adı altında yaranan komanda sonradan “Olimpik”, “Olimpik-Şüvəlan” adlarını da daşıyıb. 7 il əvvəl oktyabrda Azərbaycan çempionatının I dəstəsinin ilk turunda “Ədliyyə-2” ilə qolsuz heç-heçə edən “gənclər” bu müddətdə “təyyarəçi”yə də çevrildilər, 200-cü oyuna da çatdılar.

Qeyd edək ki, AZAL-ın heyətində yalnız 1 nəfər – nigeriyalı futbolçu Usim Nduka komanda yaranan gündən klubdadır.

2004/05 (AMMK)	Çempionat, I dəstə	14
	Kubok	2
2005/06 (Olimpik)	Çempionat	26
	Kubok	4
2006/07	Çempionat	24
	Kubok	4
2007/08	Çempionat	26
	Kubok	6
2008/09	UEFA kuboku	2
	Çempionat	26
	Kubok	4
2009/10 (Olimpik-Şüvəlan)	Çempionat	32
	Kubok	6
2010/11 (AZAL)	Çempionat	22
	Kubok	1
Cəmi	I dəstə	14
	Premyer Liqa	156
	Kubok	27
	Avrokubok	2
	CƏMİ	199