Azərbaycan Premyer Liqasının təsnifat mərhələsinin ən uzun quru seriyaları açıqlanıb. Apasport.az saytının məlumatına görə, ilk XXII turun rekordçusu Pavel Doroşev olub. “Qəbələ”nin latviyalı qapıçısı “Xəzər Lənkəran”dakı həmkarı Kamran Ağayevi arxada qoyub.

Ən uzun 5 seriya arasında “Neftçi”nin üzvlərinə məxsus 2 göstərici yer alıb. Bunlardan başqa, Rauf Mehdiyevə məxsus daha 1 seriya davam edir.

MOİK-lə son turun görüşündə istirahət edən veteran qolkiper ardıcıl 4 oyun qol buraxmayıb. Sonuncu dəfə ötən il dekabrın 11-də baş tutan “Bakı” ilə görüşdə qapısında top görən Rauf 374 dəqiqəlik seriyasını davam etdirməklə, “Top-5”dəki nəticəsini daha da yaxşılaşdıra bilər. Lakin həmin matçın 76-cı dəqiqəsində Jabanın məyus etdiyi Mehdiyev çempionatdakı növbəti matçında da “Bakı” qarşısına çıxacaq.

Təsnifat mərhələsinin ən uzun 5 seriyası

1. Pavel Doroşev (“Qəbələ”) – 952
2. Kamran Ağayev (“Xəzər Lənkəran”) – 720
3. Paulius Qribauskas (“Neftçi”) – 549
4. Cahangir Həsənzadə (AZAL) – 455
5. Rauf Mehdiyev (“Neftçi”) – 432
... Rauf Mehdiyev (“Neftçi”) – 374 (davam edir)

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu