"Qalatasaray"la "Neftçi" arasında imzalanan ikitərəfli rəsmi müqavilə İstanbul rəsmiləri tərəfindən təsdiqlənib. Apasport.az saytının məlumatına görə, hər iki komandanın rəsmiləri arasında aparılan danışıqlar müsbət nəticələnib. Klublar arasında əlaqələri genişləndirmək məqsədi güdən sazişdə, bir çox vacib bəndlər yer alıb.

İkitərəfli müqaviləyə əsasən, 2011/2012-ci ildə "Neftçi" ilə "Qalatasaray" yoldaşlıq görüşlərində qarşı-qarşıya gələcək. Bu matç hələ 2 ay əvvəl yanvarda keçirilməli olsa da, qeyri-müəyyən vaxta təxirə salınmışdı.

"Neftçi"nin gənc futbolçuları da bu sazişdən yararlana biləcəklər. Belə ki, müxtəlif yaş qruplarında yer alan futbolçular bundan sonra Türkiyə təmsilçisinin düşərgəsində məşq edərək, təcrübələrini artıra biləcəklər. "Neftçi"nin məşqçilər korpusunda yer alan mütəxəssislərdə "Qalatasaray"ın məşqlərini izləmək imkanı yaxalayacaqlar. Həmçinin, İstanbul klubu ölkəmizdə "Qalatasaray" futbol məktəbi açmağı planlaşdırır, bunun Azərbaycanda yeganə brendi "Neftçi" olacaq.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu