Azərbaycan Premyer Liqasının təsnifat mərhələsində baş tutan 132 oyundan 74-də yerli və əcnəbi məşqçilər üz-üzə gəlib. Apasport.az saytının məlumatına görə, azərbaycanlılarla gəlmələrin qarşıdurmasında hələlik meydan amili hiss olunur. Belə ki, 20 dəfə heç-heçə qeydə alınan bu duellərdə 26 dəfə legionerlər, 28 dəfə isə bizimkilər qalib gəlib.

Lakin 9 nəfərlik yerli ilə 7 əcnəbinin duellərində hər 2 “ordu”nun öz “sərkərdə”si və öz “əsgər”i var. Bizim düşərgədə MOİK-li əsgər Ramil Əliyev və artıq istefada olan Sakit Alıyev gəlmələrə xal verməklə az qala ad çıxarıb. Qonaqlar arasında isə Qyoko Hacıyevski ilə Almir Hurtiç zəiflər sırasındadır.

Əks cəbhənin qənimləri isə çempionatın liderləri Mirça Redniklə Arif Əsədovdur. Rumıniyalı azərbaycanlı həmkarlarına 2 dəfə uduzsa da, bu matçların 3/4-də istəyinə çatıb. Bütün məğlubiyyətlərini gəlmələrdən alan Arif Əsədov mümkün xalların 2/3-ni toplayıb ki, bu da yerlilər arasında ən yaxşı nəticədir.

Düzdür, Bəhmən Həsənov da eyni göstəriciyə malikdir. Lakin o, nisbətən az oyunda qüvvəsini sınayıb.

Maraqlıdır ki, 2 ən yaxşı məşqçi qarşıdakı həftədə 2 dəfə üz-üzə gələcəklər. Cari mövsüm artıq 2 dəfə üz-üzə gələn çalışdırıcıların duelində Əsədov qələbəyə həsrət qalıb – 0:1, 0:0.

1	Mirça Rednik	11	8	1	2	15-7	25	75,76
2	Arif Əsədov	14	8	4	2	22-6	28	66,67
3	Bəhmən Həsənov	5	3	1	1	4-3	10	66,67
4	Qurban Qurbanov	13	8	1	4	17-10	25	64,10
5	Vinfred Şafer	10	6	1	3	19-11	19	63,33
6	Nazim Süleymanov	12	6	4	2	19-10	22	61,11
7	Naci Şensoy	2	1	0	1	3-5	3	50,00
8	Kaxaber Sxadadze	12	5	2	5	12-12	17	47,22
9	Toni Adams	12	3	6	3	8-9	15	41,67
10	Revaz Dzodzuasvili	6	2	1	3	7-8	7	38,89
11	Aleksandr Starkov	2	0	2	0	1-1	2	33,33
12	Fuad İsmayilov	12	2	6	4	10-11	12	33,33
13	Qyoko Hacıyevski	12	1	4	7	9-19	7	19,44
14	Almir Hurtiç	7	0	3	4	4-11	3	14,29
15	Sakit Alıyev	5	0	2	3	4-10	2	13,33
16	Ramil Əliyev	13	1	2	10	5-28	5	12,82

Premyer Liqanın daha 32 görüşündə 2 legioner baş məşqçi üz-üzə gəlib. Bu qarşılaşmalarda yalnız Aleksandr Starkov 100 faizlik nəticəyə malikdir. Lakin latviyalı cəmi 1 belə duelin iştirakçısı olub. Bu isə o deməkdir ki, onun xal itkiləri hələ qabaqdadır. Digərlərinə gəlincə, Kaxaber Sxadadzenin göstəricisi diqqət çəkir.

1.	Aleksandr Starkov	1	1	0	0	1 - 0	3	100,00
2.	Kaxaber Sxadadze	10	7	2	1	12 - 4	23	76,67
3.	Mirça Rednik	11	6	4	1	13 - 5	22	66,67
4.	Toni Adams	10	5	1	4	11 - 5	16	53,33
5.	Almir Hurtiç	6	2	2	2	2 - 3	8	44,44
6.	Vinfred Şafer	9	2	3	4	7 - 9	9	33,33
7.	Qyoko Hacıyevski	10	1	2	7	3 - 15	5	16,67
8.	Revaz Dzodzuasvili	6	0	2	4	2 - 9	2	11,11
9.	Naci Şensoy	1	0	0	1	0 - 1	0	0,00

Mövsüm ərzində vur-tut 26 matçda əcnəbi mütəxəssisə təsadüf olunmayıb. Gəlmələr olmayan yerdə də Arif Əsədov “at oynadıb”. O, həmyerlilərinə yalnız 2 xal “bağışlayıb”. Bu siyahıda 2-ci pillədə Qurban Qurbanovdur. Ramil Əliyevlə Sakit Alıyev isə azərbaycanlıların duellərində qələbə də qazanmayıb.

1.	Arif Əsədov	8	6	2	0	18 - 3	20	83,33
2.	Qurban Qurbanov	9	5	2	2	11 - 4	17	62,96
3.	Bəhmən Həsənov	4	2	0	2	4 - 6	6	50,00
4.	Nazim Süleymanov	10	3	5	2	8 - 6	14	46,67
5.	Fuad İsmayılov	10	3	3	4	13 - 16	12	40,00
6.	Sakit Alıyev	2	0	1	1	1 - 2	1	16,67
7.	Ramil Əliyev	9	0	1	8	1 - 19	1	3,70

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu