FİFA-nın İcraiyyə Komitəsinin iclası keçirilib. Apasport.az saytının məlumatına görə, yığıncaqda bir sıra məsələlərə baxılıb ki, bunlar arasında növbəti dünya çempionatlarının təşkilatçılarının müəyyənləşməsi də olub. Söhbət müxtəlif yaş qruplarında təşkil edilən mundiallardan gedir.

17 yaşadək qızlar arasında 2014-cü ildə keçiriləcək yarış Kosta-Rikaya verilib. Bu isə o deməkdir ki, mərkəzi amerikalılar Azərbaycanın davamçısı olublar. Belə ki, bu yarış gələn il ölkəmizdə, daha 2 il ötdükdən sonra isə Kosta-Rikada təşkil olunacaq. Mərkəzi amerikalılar dünya çempionatının təşkili üçün 20 milyon dollar vəsait ayırıblar.

Qeyd edək ki, müxtəlif dünya çempionatlarına ev sahibliyi rəsmiləşən ölkələr arasında Özbəkistan, Türkiyə, BƏƏ, Qətər və Yeni Zelandiya da var.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu