FİFA milli komandaların növbəti reytinq cədvəlini açıqlayıb. Apasport.az saytının məlumatına görə, Azərbaycan yığması ötən reytinqlə müqayisədə 1 pillə geriləyib.

Son vaxtlar aşağı yuvarlanan millimiz 100-cü yerə düşərək, ilk yüzlüyü tərk etmək üzrədir. Hesabında 320 xal olan komandamız UEFA-nın reytinqində 44-dür.

Milli komandamızın Avro-2012-nin seçmə mərhələsindəki rəqiblərindən Almaniya yığması 3-cü pillədə (1486 xal) mövqeyini qoruyub. 1 pillə geriləyən Türkiyə yığması (728 xal) 32-ci yerə enib. Ən böyük geriləyə Avstriya yığmasında olub – 16 pillə. Avstriyalılar 524 xalla 61-ci pillədə qərarlaşıb.

Ondan sonrakı yerdə isə millimizin seçmə mərhələdə növbəti rəqibi olan, 4 pillə geriləyən Belçika yığması (512 xal) gəlir. Yalnız qrup sonuncumuz Qazaxıstan yığması (178 xal) irəliləməyə müvəffəq olub. Buna 5 pillə ilə nail olan qazaxlar 132-ci yerə yüksəlib.

Qeyd edək ki, FİFA-nın reytinqinə yenə İspaniya yığması (1880 xal) başçılıq edir. Hollandiya millisi 1730 xalla 2-ci yerini qoruyub.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu