“Bu gün çox gözəl oyun göstərdik. AZAL-la hər iki görüşdə təcrübəsizlikdən qol buraxdıq”. Apasport.az saytının məlumatına görə, bu fikirləri Azərbaycan kubokunun 1/4 final mərhələsində mübarizəni dayandıran “Turan” klubunun baş məşqçisi Naci Şensoy deyib.

Türkiyəli mütəxəssis bildirib ki, komandası ilk “altılığ”a düşən AZAL-la başabaş oynayıb: “Futbolçularıma iradım yoxdur. Artıq kubok oyunu geridə qaldı, çempionat oyunlarına hazırlaşacağıq. Hakimə halal olsun, həm Fariz Yusifova, həm də AZAL klubuna simpatiyam artdı”.

AZAL-ın baş məşqçisi Nazim Süleymanov rəqibin oyununu qeyd edib: “İki oyunun nəticəsinə görə qələbə qazandıq. Futbolçularımı təbrik edirəm. "Turan" bu gün çox yaxşı oynadı, uğurlar arzulayıram".

Qeyd edək ki, evdə 2:0 hesabı ilə qalib gələn AZAL bu gün Tovuzdakı bərabərliyə qalmaqla (1:1), yarımfinala çıxıb.

Mənbə: pfl.az

• “Real”ın futbolçusu zədələnib
• “Vulverhempton”dan “Beşiktaş”a - RƏSMİ
• “Fənərbaxça”nın AL üçün iştirak ərizəsi bəlli olub
• Kordobanın məsləhəti ilə: “Beşiktaş” kolumbiyalı qapıçı gətirir
• Türkiyəyə gəlmədi, Madriddə parıldadı – Lukmandan debütdə qol - VİDEO