Tanınmış türkiyəli mütəxəssis Fatih Terim İtaliyanın “Fiorentina” klubunun baş məşqçisi postuna qaytarılır. Apasport.az saytının məlumatına görə, hazırkı serbiyalı çalışdırıcı Sinişa Mixayloviçlə mövsümün sonunda yollarını ayıracaq klub rəhbərliyi onu “İmperator” ləqəbli 58 yaşlı məşqçi ilə əvəzləməyi planlaşdırır. Terim 2000-ci ildə “Qalatasaray”la UEFA kubokunu qazanandan sonra məhz “Fiorentina”nın sükanı arxasına yollanmışdı. Ancaq 2000/01 mövsümündə Florensiya klubunun prezidenti olan Vittorio Çeki Qori ilə arasındakı fikir ayrılığı üzündən postundan getməli olmuşdu.

Qeyd edək ki, Terim 2009-cu ilin oktyabrında Türkiyə yığmasından gedəndən sonra işsizdir. O, “Fiorentina”dan sonra “Milan”ı çalışdırsa da, orada da işi qısa müddətli olub.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu