Berti Foqts “Bakı”nın qələbəsinin şahidi oldu

11.03.2011 - 17:34

Azərbaycan milli komandasının baş məşqçisi Berti Foqts əvəzedicilərin oyununu izləyib. Apasport.az saytının məlumatına görə, almaniyalı çalışdırıcı bu gün əvəzedici heyətlər arasında Azərbaycan çempionatının XXIII turu çərçivəsində keçirilən “Neftçi” – “Bakı” oyununu izləyib. Bu, final mərhələsinin ilk turunun görüşü olub. Foqts “Şəfa” stadionunun IV meydançasındakı görüşdə “Bakı”nın 4:2 hesabı ilə qalib gələrək, liderliyini möhkəmlətməsinin şahidi olub.

Qeyd edək ki, Foqts Premyer Liqamızın XXIII turu çərçivəsində ilk “altılığ”ın I turunun bütün görüşlərini izləyəcək. Bu, sabah “İnter” – “Qarabağ”, birigün AZAL – “Xəzər Lənkəran” və “Bakı” – “Neftçi” oyunlarıdır. Almaniyalı çalışdırıcı ilk 2 oyunu “Şəfa”, Bakı derbisini Tofiq Bəhramov Respublika stadionundan izləyəcək.

Mənbə: affa.az