Azərbaycanlı Ramiz Məmmədov Qazaxıstanın “Atırau” klubunun baş məşqçisi postunda ilk rəsmi qələbəsini qazanıb. Apasport.az saytının məlumatına görə, Məmmədovun yetirmələri bu gün Premyer Liqanın II turunda evdə Karaqandanın “Şaxtyor” klubuna 2:0 hesabı ilə qalib gəlib. “Atırau” hər iki qolu fasilədən sonra vurub. Komandaya yeni mövsümdə ilk qələbəni gətirən qolların müəllifləri Andrey Travinlə (55-ci dəqiqə) argentinalı Xavyer Leon (71-ci dəqiqə) olub. “Atırau” bu qələbədən sonra 3 xalla turnir cədvəlində 9-cu pilləyə yüksəlib.

Qeyd edək ki, Məmmədov ilk turda səfərdə “Aktobe”yə 0:2 hesabı ilə uduzmuşdu.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu