Almaniya çempionatında xoşagəlməz hadisə qeydə alınıb. Apasport.az saytının məlumatına görə, II Bundesliqanın oyunu zamanı futbolçulardan biri huşunu itirərək, yerə yıxılıb.

Hadisə “Osnabryuk” – “Enerji” matçında qeydə alınıb. Rəqib futbolçu ilə toqquşan Flamur Kastrati yerə sərilib. Oyunçuların başlarının bir-birinə dəyməsi nəticəsində “Osnabryuk”un futbolçusu təcili-tibbi yardım maşını ilə xəstəxanaya aparılıb.

Ağır beyin silkələnməsi olan Flamurun boyun nahiyəsində də ciddi zədə var. Bu hadisədən 12 dəqiqə sonra matç davam etdirilib. Lakin hər iki komandanın üzvləri meydanın mərkəzində bir-birinə ötürmə edərək, qarşılaşmanı yola veriblər.

Qeyd edək ki, Azərbaycan kubokunun 1/4 finalının “Neftçi” ilə oyunu zamanı “Xəzər Lənkəran”ın qapıçısı Kamran Ağayev də toqquşma nəticəsində zədələnmişdi. Almaniyadakından fərqli, huşunu itirən qolkiper matçı davam etdirməyə güc tapmışdı.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu