Məmmədovun ilk heç-heçəsi

18.03.2011 - 10:14

Azərbaycanlı mütəxəssis Ramiz Məmmədovun baş məşqçisi olduğu “Atırau” klubu Qazaxıstan çempionatında növbəti oyununu keçirib. Apasport.az saytının məlumatına görə, atıraulular III turda “Vostok”un qonağı olublar. Ust-Kamenoqorsk şəhərində keçirilən matçda qalib müəyyənləşməyib – 2:2. Birinci hissədə 2 cavabsız qol buraxan Məmmədovun yetirmələri fasilədən sonra hesabda tarazlıq yarada biliblər. Sonuncu qol isə 3-cü uzatma dəqiqəsində vurulub.

Qeyd edək ki, bu, Məmmədovun Qazaxıstan çempionatında ilk heç-heçəsidir.