“Xəzər Lənkəran” ikinci pilləni də itirdi

18.03.2011 - 19:51

Azərbaycan Premyer Liqasında XXIV tura yekun vurulub. Apasport.az saytının məlumatına görə, bu gün baş tutan 5 oyunun nəticəsindən sonra məşqçi istefası və turnir cədvəlində dəyişiklik qeydə alınıb.

Öz meydanında “Simurq” uduzduqdan sonra “Gəncə” çalışdırıcısı Fuad İsmayılovla vidalaşıb. Onu bu postda Mehman Allahverdiyev əvəzləyib.

Günün ən maraqlı oyunu Lənkəranda keçirilib. Azarkeşlər əzəli rəqiblər “Neftçi” ilə “Xəzər Lənkəran”ın son 1 ayda 4-cü, cari mövsümdə isə 5-ci derbisinə şahidlik ediblər.

İlk yarıda hesabı açan “Neftçi” Lənkəranda qələbə sayəsində ən yaxın izləyici olan meydan sahibləri ilə xal fərqini 7-yə çatdırmağa yaxın olub. Amma görüşün sonlarında “ağ-yaşıllar” penalti zərbəsindən hesabda tarazlıq yaradıblar. Məğlubiyyətdən qaçmasına baxmayaraq, “Xəzər Lənkəran” ikinci pillədəki mövqeyini itirib.

Buna Lənkərandakı oyunadək öz meydanında AZAL-ı məğlub edən “Qarabağ”ın xallarını sayını 48-ə çatdırması olub. Düzdü, cənubluların da eyni sayda xalı olsa da, öz aralarındakı oyuna görə “Qarabağ” ikinci yerdə qərarlaşıb.

17 mart

14:00. “Muğan” – “Qəbələ” - 1:2
QOLLAR: Reis Klaudinei, 14 - Milan Antiç, 20; Murad Hüseynov, 80
Qırmızı vərəqə: Nodar Məmmədov, 83
Hakimlər: Elvin Əsgərov, Elşən Durmuşov, Vaqif Musayev, Vüsal Əliyev
Bakı. “Şəfa” stadionu
Təsnifat mərhələsinin oyunları – 0:2, 1:0

18 mart
“Gəncə” – “Simurq” - 0:1
QOL: Azər Məmmədov, 44-öz qapısına
Gəncə. Şəhər stadionu
Təsnifat mərhələsinin oyunları – 1:1, 0:0

“Turan” – MOİK - 1:0
QOL: Boris Kondev, 29
Tovuz. Şəhər stadionu
Təsnifat mərhələsinin oyunları – 2:0, 2:0

“Qarabağ” – AZAL - 1:0
QOL: Georgi Adamiya, 32 (p.)
Bakı. Tofiq İsmayılov adına Suraxanı qəsəbə stadionu
Təsnifat mərhələsinin oyunları – 0:0, 0:2

“İnter” – “Bakı” - 1:1
QOLLAR: Robertas Poşkus, 82 - Joao Silvinyo de Karvalyo, 8
Bakı. “Şəfa” stadionu
Təsnifat mərhələsinin oyunları - 1:0, 2:1

“Xəzər Lənkəran” – “Neftçi” - 1:1
QOLLAR: Julius Vobay, 89 (p.) - Rodriqinyo, 23
Lənkəran. Şəhər mərkəzi stadionu
Təsnifat mərhələsinin oyunları – 1:0, 0:0

Turnir cədvəli

1	Neftçi	24	15	7	2	42-10	52
2	Qarabağ	24	15	3	6	33-14	48
3	Xəzər L	24	14	6	4	29-14	48
4	İnter	24	12	5	7	25-19	41
5	AZAL	24	10	9	5	28-17	39
6	Bakı	24	9	7	8	29-23	34

7	Qəbələ	24	9	8	7	22-16	35
8	Muğan	24	8	6	10	18-26	30
9	Gəncə	24	5	9	10	23-29	24
10	Turan	24	5	6	13	19-35	21
11	Simurq	24	3	6	15	14-37	15
12	MOİK	24	1	4	19	7-49	7