Mətbuat Şurası (MŞ) ilə Bakı Futbol Federasiyasının (BFF) Azərbaycan futbolunun 100 illiyi münasibətilə tədbirlər planı çərçivəsində Bakının jurnalistlərdən və polislərdən ibarət yığma komandaları arasında dostluq görüşü keçiriləcək.

MŞ-dən Lent.az-a verilən məlumata görə, martın 19-da saat 11.00-da “Şəfa” stadionunun əsas meydanında başlanacaq oyunu FİFA referesi Vüsal Əliyevin başçılıq etdiyi hakimlər briqadası idarə edəcək.

Artıq görüşə hazırlıq işləri yekunlaşıb, futbolçulara veriləcək mükafatlar müəyyənləşdirilib. Komandalara MŞ-nin xatirə kubokları, AFFA, BFF, Daxili İşlər Nazirliyinin hədiyyələri təqdim olunacaq. Bundan əlavə İctimai Televiziya və APA (Azəri-Press Agentliyi) ən yaxşı xətt oyunçularına təqdim olunmaq üçün xüsusi mükafatlar təsis ediblər. Komandalara Novruz xonçaları da veriləcək.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu