“Neftçi” əlçatmaz olur

03.04.2011 - 16:54

Bu gün Azərbaycan Premyer Liqasında XXV tura yekun vurulub. Apasport.az saytının məlumatına görə, çempionatın ilk “altılığ”ında 2, nisbətən zəiflərin iştirakı ilə isə 1 matç baş tutub.

İkinci “altılıq”da ən maraqlı oyunlardan birində Premyer Liqada qalmaq uğrunda mübarizə aparan “Simurq”la “Turan” üz-üzə gəliblər. Zaqataladakı görüşün taleyini 1 qol həll edib. Tovuzluların bu qələbəsi aşağı dəstəyə yuvarlanacaq 2-ci komanda ilə bağlı suala demək olar ki, aydınlıq gətirib. “Simurq”un 9 xallıq fərqi aradan qaldıracağı isə artıq inandırıcı görünmür.

AZAL-la “İnter” arasında paytaxt derbisinin taleyini də 1 qol həll edib. Bu matçda da legioner həlledici qolun müəllifi olub. “Təyyarəçilər” minimal hesablı qələbə ilə 4-cü pilləyə yüksəliblər.

Turun mərkəzi görüşü milli çempionatın daimi iştirakçıları “Neftçi” və “Qarabağ” arasında olub. Tur ərəfəsində bu komandaların ilk 2 pillədə yer almışdı ki, bu da matça marağı artırırdı. Rəqib qapısından 2 cavabsız qol keçirən paytaxt təmsilçisi məhz braziliyalılarının qolları sayəsində növbəti 3 xalı bayram etdi.

Bununla da Arif Əsədovun yetirmələri ən yaxın izləyicisi ilə xal fərqini 6-ya çatdırdı. Ağdamlılar isə 9 oyunluq qələbə seriyasının başa çatması ilə 2-ci pilləni də əldən verdi.

2 aprel
MOİK – “Muğan” - 0:0
Hakimlər: Fuad Həsənov, Aydın Ələkbərov, Samir Hacıyev, Teymur Fərhadov
Bakı. “Bakı” klubunun təlim-məşq bazası
Təsnifat mərhələdəki oyunlar – 3:2, 0:1

“Qəbələ” – “Gəncə” - 1:1
QOLLAR: Murad Hüseynov, 26 - Junivan Suares, 56
Hakimlər: Rahim Həsənov, İsgəndər Əliyev, Coşqun Həsənov, Elvin Əsgərov
Qəbələ. Şəhər stadionunun ehtiyat meydançası
Təsnifat mərhələsindəki oyunlar – 0:0, 0:0

“Bakı” – “Xəzər Lənkəran” - 0:0
Bakı. Tofiq Bəhramov adına Respublika stadionu
Təsnifat mərhələsindəki oyunlar – 1:1, 1:1

3 aprel
15:00. “Simurq” – “Turan” - 0:1
QOL: Georgi Beriaşvili, 10
Zaqatala. Olimpiya İdman Kompleksinin stadionu
Təsnifat mərhələsindəki oyunlar 2:2, 1:1

16:00. AZAL – “İnter” - 1:0
QOL: Nuqzar Kvirtiya, 44
Bakı. “Şəfa” stadionu
Təsnifat mərhələsindəki oyunlar – 5:0, 1:1

16:00. “Neftçi” – “Qarabağ” - 2:0
QOLLAR: Rodriqinyo, 4, Flavinyo, 61
Bakı. Tofiq Bəhramov adına Respublika stadionu
Təsnifat mərhələsindəki oyunlar – 1:1, 1:0

Turnir cədvəli

1	Neftçi	25	16	7	2	44-10	55
2	Xəzər L	25	14	7	4	29-14	49
3	Qarabağ	25	15	3	7	33-16	48
4	AZAL	25	11	9	5	29-17	42
5	İnter	25	12	5	8	25-20	41
6	Bakı	25	9	8	8	29-23	35

7	Qəbələ	25	9	9	7	23-17	36
8	Muğan	25	8	7	10	18-26	31
9	Gəncə	25	5	10	10	24-30	25
10	Turan	25	6	6	13	20-35	24
11	Simurq	25	3	6	16	14-38	15
12	MOİK	25	1	5	19	7-49	8