Çempionlar Liqasında 1/4 final mərhələsinin ilk oyunlarına yekun vurulub. Apasport.az saytının məlumatına görə, günün mərkəzi görüşü Londonda keçirilib.

İngiltərədə əzəli rəqiblər olan “Çelsi” və “Mançester Yunayted” bu dəfə Avropanın ən nüfuzlu turnirində münasibətlərini ayırd ediblər. 3 il öncə elə ÇL-in finalında olduğu kimi yenə də mançesterlilər qalib gəlib. Runinin ilk hissədə vurduğu qol matçın taleyini həll edib.

“Roma”ya hər iki oyunda inamlı qalib gəlməklə, Avropanı təəccübləndirən “Şaxtyor” isə “Barselona” qarşısında acız qalıb. 1/4 finalın ilk günündəki darmadağınları davam etdirən kataloniyalılar ukraynalıları meydana çıxmağa peşman etdi – 5:1. Bununla da “Barselona” “Şalke” və “Real”ın ardından yarımfinala doğru böyük addım atdı.

6 aprel
“Çelsi” (İngiltərə) – “Mançester Yunayted” (İngiltərə) – 0:1
QOL: Runi, 24

“Barselona” (İspaniya) – “Şaxtyor” (Ukrayna) – 5:1
QOLLAR: İnyesta, 2, Alveş, 34, Pike, 53, Keyta, 60, Xavi, 86 – Rakitski, 59

5 aprel

“Real” (İspaniya) – “Tottenhem” (İngiltərə) - 4:0
QOLLAR: Adebayor, 5; 57; Anhel di Mariya, 72; Ronaldo, 88
QIRMIZI VƏRƏQƏ: Krauç, 14

“İnter” (İtaliya) – “Şalke” (Almaniya) - 2:5
QOLLAR: Stankoviç, 1; Milito, 34 - Matip, 17; Edu, 40; 75; Raul, 53; Ranokkya, 57 (avtoqol)
QIRMIZI VƏRƏQƏ: Kivu, 61

• “Barselona”da yeni müqavilə
• Kolumbiya millisinin üzvü “Palmeyras”da
• “Beşiktaş”ın sabiq üzvü “Seltik”də - RƏSMİ
• “Barsa” “Real”ı “yalnız buraxdı” - SUPERLİQANI TƏRK ETDİ
• “Yuventus”da Kenan Yıldız qərarı - YENİ MÜQAVİLƏ İMZALANDI