Türkiyənin “Qalatasaray” idman klubunda növbəti prezident seçkisinin vaxtı bəlli olub. Apasport.az saytının xəbərinə görə, bu gün mətbuat konfransı keçirən klub prezidenti Adnan Polat seçkilərin bu il mayın 14-də keçirilməsi barədə qərar qəbul etdiklərini açıqlayıb.

Xatırladaq ki, “Qalatasaray”ın martın 27-də keçirilən illik maliyyə qurultayında klub rəhbərliyinin 1 illik idarəçiliyi qeyri-qənaətbəxş sayılıb. Nizamnamənin tələbinə əsasən bu durumda klub prezidenti və İdarə Heyəti istefaya getmiş sayılır və yeni seçki keçirilir. Lakin mövcud prezident A. Polada yaxın şəxs qurultay qərarının icrasının dayandırılması tələbi ilə məhkəmədə iddia qaldırıb. Məhkəmə iddianı təmin edib və yeni seçki keçirilməsi zərurəti ortadan qalxıb. Bu qərara baxmayaraq, A. Polat seçkinin tarixini elan edib. Onun yenidən namizəd olub-olmayacağı hələlik bəlli deyil.

Hazırda “Qalatasaray” prezidentliyinə ən iddialı namizəd 70 yaşlı iş adamı, ən zəngin 100 türkün siyahısında 51-ci sırada olan Ünal Aysal sayılır. Ü. Aysalın yaxın günlərdə namizədliyini rəsmən açıqlayacağı gözlənilir.

• “Barselona”da yeni müqavilə
• Kolumbiya millisinin üzvü “Palmeyras”da
• “Beşiktaş”ın sabiq üzvü “Seltik”də - RƏSMİ
• “Barsa” “Real”ı “yalnız buraxdı” - SUPERLİQANI TƏRK ETDİ
• “Yuventus”da Kenan Yıldız qərarı - YENİ MÜQAVİLƏ İMZALANDI