“Barselona”nın lideri Lionel Messi 60 il əvvəlki rekordu təkrarlayıb. Apasport.az saytının məlumatına görə, 24 yaşlı argentinalı İspaniya futbolunda klub bombardiri rekordunun təkrarlanmasının səbəbkarı olub.

Messi cari mövsümdə “Barselona”nın heyətində 48-ci qolunu vuraraq, ispaniyalı Telmo Sarranın nailiyyətinə imza atıb. Sarra 1950/51 mövsümündə Bilbaonun “Atletik” klubunun heyətində bu qədər fərqlənmişdi.

Messi “Şaxtyor”la Donetskdə Çempionlar Liqasının 1/4 final mərhələsinin cavab görüşündə yeganə qolun müəllifi olub.

Qeyd edək ki, Messi ötən mövsüm komandasının heyətində bütün turnirlərdə 47 qol vurmuşdu. O, bununla macar Ferents Puşkaşın “Real”da (1959/60 mövsümündə) və braziliyalı Ronaldonun “Barselona”da (1996/97) nailiyyətini təkrarlamışdı.

• "Real"da xaos bitmir: KAPİTAN NARAZIDIR
• "Fənərbaxça"dan ayrıldı - YENİ KLUBU BƏLLİ OLDU
• Erman Toroğlu istintaqa cəlb olunub
• "Bornmut"dan Ximenes qərarı - RƏSMİ
• Günün canlı yayımlanacaq matçları - TV AFİŞA