Azərbaycan Premyer Liqasının XXX turunun MOİK-lə qarşılaşması “Simurq”un baş məşqçisi Qyoko Hacıyevski üçün vacib olduğu qədər də əlamətdar hadisə ilə yadda qalacaq. Apasport.az saytının məlumatına görə, zaqatalalıların Premyer Liqadan düşəcəyinin rəsmiləşəcəyi matç makedoniyalı mütəxəssis üçün yubiley əhəmiyyəti kəsb edir. Komandasının qalib gəlməyəcəyi və ya “Turan”ın “Qəbələ” ilə səfər matçında 3 xal qazanacağı halda, Hacıyevskinin yubileyi I diviziona yuvarlanmaqla əlamətdar olacaq.

Yubiley isə ondan ibarətdir ki, mütəxəssis Azərbaycan klublarının “sükanı arxasında” üst-üstə 100-cü matçına çıxacaq. 2007-ci ilin sentyabrında “Bakı”ya baş məşqçi təyin olunan Hacıyevski bu komanda ilə ölkə çempionu oldu, paytaxtın eyni adlı təmsilçisinin tarixində ilk dəfə avrokuboklarda mərhələ adlamışdı. Həmin uğur isə “Bakı” tarixinin hələ də yeganə belə nəticədir.

2009-cu ilin sentyabrında “Bakı”dan ayrılan makedoniyalı ötən ilin yayında “Simurq”a baş məşqçi təyin olundu. Bu komanda ilə aşağı dəstənin astanasında olan sabiq ölkə çempionu yeni klubunda orta hesabla 10 matçdan 1 qələbəyə sevinir.

Qeyd edək ki, Hacıyevskinin Azərbaycan karyerasında klublarla yanaşı, ölkəmizin əsas milli komandası da var. O, bu komandanı 3 qarşılaşmaya çıxarıb.

“Bakı”, çempionat	51	28	12	11	87-37	96
“Bakı”, kubok	12	7	3	2	32-9	24
“Bakı”, avrokubok	6	1	2	3	8-14	5
“Bakı”, cəmi	69	36	17	16	127-60	125
“Simurq”, çempionat	29	3	7	19	15-46	16
“Simurq”, kubok	1	0	1	0	1-1	1
“Simurq”, cəmi	30	3	8	19	16-47	17
Azərbaycan çempionatı cəmi	80	31	19	30	102-83	112
Azərbaycan kuboku cəmi	13	7	4	2	33-10	25
Avrokuboklar	6	1	2	3	8-14	5
Azərbaycan klub karyerası	99	39	25	35	143-107	142

• Nuri Şahin gedir, Ten Haq gəlir
• Premyer Liqanı Bundesliqaya dəyişəcək
• Avropanın rəmzi komandası açıqlanıb
• Sabiq "Neftçi"linin yeni ünvanı bəlli olub
• "Mançester Siti"nin keçmiş kapitanı və baş məşqçisi vəfat edib