“Neftçi” klubunun baş həkimi Boris Xetaqurov “Barselona”dakı həmkarı Daniel Medinaya müraciət edib. Bu haqda apasport.az saytına Xetaqurovun özü məlumat verib.

O bildirib ki, ispaniyalı həmkarına Çempionlar Liqasının finalına çıxmaları münasibətilə təbrik məktubu göndərib.

“Medina təkcə həmkarım yox, həm də dostumdur. Onunla 3 il öncə Moskvada beynəlxalq simpoziumda tanış olmuşam. Həmin vaxt Medina “Barselona”da tibbi xidmətin təşkili barədə məruzə ilə çıxış etdi. Həmin vaxtdan onunla dostluq münasibətini saxlayıram, yazışıram. Medinanın ünvanına ingilis dilində təbrik məktubu göndərdim. Orada “Barselona”nı və gənc həmkarımı Çempionlar Liqasının finalına çıxmaq münasibətilə ürəkdən təbrik etdiyimi qeyd etdim. Kataloniya təmsilçisinə finalda “Mançester Yunayted”ə qalib gələrək, Çempionlar Liqasını qazanmasını arzuladım”.

İndi Medinaya həmyerlimizə cavab məktubunda onu təbrik etmək qalır. Axı Xetaqurov karyerasında növbəti çempionluğunu bu il qayıtdığı “Neftçi”də qazanıb.

Mehman SÜLEYMANOV

• Hakiminin taleyinə aydınlıq gəlib
• Ronaldo Çempionlar Liqası matçını buraxacaq
• Messi "840"a çatdı
• Kyellini yenidən "Yuventus"da - RƏSMİ
• "Yuventus" səfərdən xalla dönür, "Milan"dan darmadağın