Kiminin qoca, kiminin cavan sevdası

06.05.2011 - 15:44

Azərbaycan Premyer Liqasında çıxış edən legionerlərin orta yaşı məlum olub. Apasport.az saytının araşdırmalarına görə, cari mövsüm meydana çıxan əcnəbi futbolçuların orta yaşı 28 yaş 3 ay 19 gündür.

Premyer Liqanın 12 komandası milliləşənlər də nəzərə alınmaqla, 163 əcnəbinin xidmətindən yararlanıb. Bunların da 4-ü 2 klubun heyətində meydana çıxıblar.

Çempionatımızın legionerlərindən 59-u 30 yaşı arxada qoyan təcrübəlilərdir. Bunlar arasında ən “qoca”sı 35 yaş 8 ay 9 günlük olan Bronislav Çervenkadır. “İnter”li çexi Terri Kuk (“Qəbələ”) və Vadim Borets (“Bakı”) izləyir, lakin onların heç biri hələlik 35 yaş həddinə çatmayıb.

19 yaş 5 ay 19 günlük Bruno dos Anjos isə Premyer Liqamızın ən gənc legioneridir. “Qəbələ”nin braziliyalı futbolçusu kimi, “Neftçi”nin milliləşən rusiyalısı Ruslan Kurbanov da 20 yaş həddini keçməyib.

Ayrı-ayrı klubların legioner “sevda”sına baxdıqda, “Muğan”ın gənclərə bel bağlamaqda 1-ci olduğunu görərik. Salyan təmsilçisi 31 yaş həddini aşan 4 legionerə güvənsə də, ümumi orta göstəricidə hamıdan öndədir. Elə “Turan”ın gəlmələri də 27 yaşdan kiçikdir.

“Gəncə” isə orta hesabla 30 yaşdan yuxarı legioner oynatmış yeganə komandadır. Bu da onunla bağlıdır ki, klubun 10 əcnəbi futbolçusundan 4-ü 30, 9-u 28 yaş həddini aşıb. Çempionatımızın liderlərinin legioner “sevdası” isə təxminən eynidir. “Neftçi” və “Xəzər Lənkəran”ın legionerlərinin orta yaşı 28-ə çox yaxındır. Lakin çempion ən yaxın izləyicisindən 11 gün gəncdir.

Klubların ən azı 1 oyuna çıxan legionerlər üzrə orta yaş həddi

klub	Legioner sayı	Orta yaş (günlə)	Orta yaş
Muğan	18	9733	24.08.26
Turan	16	9849	17.12.26
Qəbələ	17	10196	29.11.27
AZAL	15	10197	30.11.27
Neftçi	12	10211	15.12.27
Xəzər Lənkəran	25	10223	26.12.27
Simurq	5	10423	14.07.28
İnter	20	10769	24.06.29
Qarabağ	7	10774	29.06.29
Bakı	22	10850	14.09.29
Gəncə	10	11021	03.03.30