“Qalatasaray” klubu kapitanı Arda Turanın gələcək taleyinə aydınlıq gətirib. Apasport.az saytının məlumatına görə, klubun mayın 14-də prezident seçkilərində iştirak edəcək hər 3 namizəd – Ünal Aysal, Mehmet Helvaçı və Turqay Kıran 24 yaşlı futbolçunu satmayacaqlarını qəti bildiriblər. Arda ən azı 3 milyon avroluq yeni müqavilə təklif edəcək. Bununla da namizədlər “Cim Bom” azarkeşlərinin narahatçılığına son qoyub.

Bir sıra Avropa klublarının, o cümlədən Madrid “Atletiko”nun maraq dairəsində olan Turan “Qalatasaray”la müqaviləsi 2013-cü ildə bitəcək. O, indiki anlaşmaya görə ilinə 2 milyon avro qazanır. Son ildə isə bu rəqəm 2,5 milyon avroya çatacaq, yarımmüdafiəçi oyun başı 10 min avro alacaq. Yeni müqavilənin imzalanması 1 aya reallaşacaq və yeni prezident Ardanın meneceri Ahmet Bulutla danışıqlar stolu arxasına əyləşəcək.

• Messi "Barselona" ilə matçda ZƏDƏLƏNİB
• Hansı oyun, hansı kanalda? - TV AFİŞA
• “Fənərbaxça”nın rəqibi baş məşqçisi ilə yollarını ayırdı - RƏSMİ
• “Fənərbaxça” rəsmisi: “Biz bunu təhqir kimi qəbul etdik”
• "Tottenhem" üçün Poçettino variantı