“Qələbə qazandıq. Ancaq yenə qol vurmaq üçün xeyli real imkanlarımız oldu”. Bu sözləri apasport.az saytına açıqlamasında “Bakı”nın moldovalı müdafiəçisi Vadim Borets deyib.

Hesabat turunda təsəlliverici qələbə qazanan “Bakı” uğursuz oyunlar seriyasına da son qoymuş oldu. Belə ki, final mərhələsində bu matça qədər 7 görüş keçirən paytaxtın eyniadlı təmsilçisi məğlubiyyət və heç-heçələrlə yadda qalmışdı.

Aleksandr Starkovun yetirmələri yalnız şənbə günü “təyyarəçilər”i yenməyi bacarıb. Oyunla bağlı fikirlərini bildirən 35 yaşlı müdafiəçi reallaşdıra bilmədikləri epizodlara görə təəssüflənib: “Real şanslarımız oldu, hansı ki əldən verdik. Çoxlu hücum etdik. İmkanlar da yaratdıq”.

Komandasının ilk “altılıq”da yalnız son oyunda qələbə qazanmasına gəldikdə, Borets bunu problemlərin olması ilə izah edib: “Problemlər var idi. Çox işlədik. Son oyunlarda komanda özünə gəldi və ardıcıl iki qələbə qazandı”.

Qeyd edək ki, 2 ildir “Bakı”nın formasını geyinən Vadim Borets qarşıdakı mövsümdə də paytaxtın eyniadlı təmsilçisinin uğurları üçün tər tökəcək.

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq