Premyer Liqada qalmaqal: Baş məşqçini döydülər

12.05.2011 - 10:16

Şotlandiya Premyer Liqasının 37-ci turu qalmaqalla əlamətdar olub. Apasport.az saytının məlumatına görə, “Harts” və “Seltik” arasında qarşılaşmada (0:3) xoşagəlməz hadisə yaşanıb. Qonaqların 2-ci qolundan sonra onların baş məşqçisi Nil Lennon hücuma məruz qalıb. İkinci hissənin əvvəlində azarkeşlərdən biri meydana atılaraq qaçış cığırı ilə mütəxəssisə tərəf qaçıb. Fanat Lennona çatıb ona bir zərbə də ilişdirib. Baş məşqçini yerə sərən azarkeş tezliklə polis tərəfindən yaxalanıb.

Qeyd edək ki, 2 ay əvvəl Lennona partlayıcı maddələr olan paket göndərilmişdi.