“Neftçi” darmadağın oldu, “Xəzər Lənkəran” mövqeyini qorudu

13.05.2011 - 19:52

Azərbaycan Premyer Liqasında XXXI tura yekun vurulub. Apasport.az saytının məlumatına görə, 2-ci oyun günü ilk “altılığ”ın görüşlərindən ibarət olub. Baş tutan 3 matçda bütün qolları meydan sahibləri vurmaqla qonaqlara cəmi 1 xal bağışlayıb.

“Qarabağ”la “Neftçi” bütün milli çempionatlarımızın iştirakçıları olduğundan, onlar arasında matç tarixi derbidir. Lakin Azərbaycan milli komandasının baş məşqçisi Berti Foqtsun da yoldaşlıq oyununa bənzətdiyi qarşılaşma maraqsızlığı ilə diqqət çəkdi. Az qala ikinci heyətlə meydana çıxan ölkə çempionu bunun cəzasını darmadağın olmaqla çəkdi və ağdamlılar tarixlərində ilk dəfə “Neftçi”ni böyük hesabla məğlub etdi – 3:0.

“Xəzər Lənkəran” isə bu il bütün çempionat oyunlarında heç-heçə etdiyi “Bakı”nı 2 cavabsız qolla məğlub etdi. Bununla da cənublular bir neçə saat əvvəl asan gəzinti ilə 2-ci pilləyə yüksələn “Qarabağ”ı yenidən 3-cü sıraya göndərdi. Mövqeyini qaytaran lənkəranlıların ölkə kubokunun finalındakı rəqibi “İnter” isə AZAL-la bu dəfə də bacarmadı. Paytaxt derbisi başladığı kimi – 0:0 hesabı ilə nəticələndi.

13 may

“İnter” – AZAL - 0:0
Hakimlər: Ramil Diniyev, Munis Abdullayev, Elman Musayev, Rauf Cabbarov
Bakı. “Şəfa” stadionu
Cari mövsümdəki oyunlar – 0:5, 1:1, 0:1

“Xəzər Lənkəran” – “Bakı” - 2:0
QOLLAR: Manuel Skarlatake, 7; Emeka Opara, 83
Hakimlər: Vüsal Əliyev, Elşən Acalov, Ramiz Əsədov, Əliyar Ağayev
Lənkəran. Şəhər mərkəzi stadionu
Cari mövsümdəki oyunlar – 1:1, 1:1, 0:0

“Qarabağ” – “Neftçi” - 3:0
QOLLAR: Georgi Adamiya, 5; 13; 48
Hakimlər: Elçin Məmmədov, Rza Məmmədov, Rahil Ramazanov, Orxan Məmmədov
Ağdam Quzanlı qəsəbəsindəki Olimpiya İdman Kompleksinin stadionu
Cari mövsümdəki oyunlar – 1:1, 0:1, 0:2

12 may

“Muğan” – MOİK - 1:0
Qol: Con Pelu, 90+1
Hakimlər: Səbayel Qurbanova, Azər Əsgərov, Mübariz Haşımov, Fuad Həsənov
Bakı. “Şəfa” stadionu
Cari mövsümdəki oyunlar – 2:3, 1:0, 0:0

“Gəncə” – “Qəbələ” - 0:0
Hakimlər: Elnur Muradov, Habil Əliyev, Zeynal Zeynalov, Rasim Məmmədov
Gəncə. Şəhər stadionu
Cari mövsümdəki oyunlar - 0:0, 0:0, 1:1

“Turan” – “Simurq” - 2:1
Qollar: Vurğun Hüseynov, 6, Muammer Erdoğdu, 29 - Qafar Qafarov, 60
Hakimlər: Ceyhun Haşımov, Nahid Əliyev, Vaqif Musayev, Rövşən Əhmədov
Tovuz. Şəhər stadionu
Cari mövsümdəki oyunlar - 1:1, 2:2, 1:0

Turnir cədvəli

	Komanda	O	Q	H	M	Qollar	Xallar
1	Neftçi	31	19	9	3	52-16	66
2	Xəzər Lənkəran	31	16	11	4	37-17	59
3	Qarabağ	31	17	7	7	40-19	58
4	AZAL	31	12	10	9	33-27	46
5	İnter	31	12	10	9	28-24	46
6	Bakı	31	10	10	11	33-31	40

7	Qəbələ	31	12	12	7	29-17	48
8	Muğan	31	13	8	10	28-29	47
9	Gəncə	31	8	12	11	30-33	36
10	Turan	31	7	6	18	23-43	27
11	Simurq	31	3	7	21	16-49	16
12	MOİK	31	3	6	22	10-54	15