Premyer Liqanın XXXI turu “Qarabağ” klubunun futbolçusu Georgi Adamiya üçün əlamətdar oldu. Apasport.az saytının məlumatına görə, vaxtilə “Neftçi”nin Azərbaycana gətirdiyi gürcüstanlı hücumçu məhz sabiq komandası ilə görüşdə yubiley qoluna imza atdı.

Belə ki, 30 yaşlı futbolçunun Quzanlıdakı görüşdə vurduğu ilk qol onun Azərbaycan çempionatlarında 50-ci topudur. 2005-ci ilin yanvarından ölkəmizdə çıxış edən Georgi bu qollarını “Neftçi”, “Bakı” və “Qarabağ”ın heyətində vurub. Qollarının çoxunu “Neftçi”də vuran Adamiya 29 dəfə “ağ-qaralar”ın azarkeşlərini sevindirib.

“Bakı”da cəmi 2 dəfə fərqlənən Adamiyanın “Qarabağ” – “Neftçi” matçında vurduğu 2-ci qol Ağdam təmsilçisinin çempionat oyunlarındakı 20-ci qolu oldu. Növbəti – 3-cü qolla isə Azərbaycan birinciliklərindəki ümumi qol sayını 52-yə çatdıran gürcüstanlı buna 161 matçda nail olub.

2005-2008 “Neftçi” - 94 oyun, 29 qol
2009 “Bakı” - 28 oyun, 2 qol
2010-... “Qarabağ” - 39 oyun, 21 qol


Vüqar XEYRULLAYEV

• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu