“Xəzər Lənkəran” azarkeşləri Premyer Liqanın son turunun sabah keçiriləcək “Neftçi” ilə oyunundan sonra yeni ideyaya əl atacaqlar. Apasport.az saytının məlumatına görə, cənublular paytaxt təmsilçisinin bayram əhval-ruhiyyəsini korlamaq üçün əlindən gələni edəcəklər.

Məsələ ondadır ki, oyunun nəticəsindən asılı olmayaraq, qarşılaşmadan sonra “Neftçi”yə Premyer Liqanın çempionluq kuboku veriləcək. Bakılılara bu mükafatın qazanıldığı AZAL-la görüşdə deyil, məhz prinsipial rəqib “Xəzər Lənkəran”la matçda verilməsi qonaq komandanın azarkeşlərinin heç də ürəyincə deyil. Bu səbəbdən də lənkəranlılar həmin an stadionu fit səsində boğmağa cəhd edəcək.

“12-ci oyunçu”nun yazdığına görə, Lənkərandan paytaxta yola düşməyə hazırlaşan bəzi fanatlar təqdimetmə mərasimi zamanı meydançaya arxasını çevirərək, hazırkı mövsümün yalançı çempionluğuna etiraz edəcəklər.

• “İnter” Mxitaryanla müqavilə danışıqlarını dayandırıb
• “Beşiktaş” ispaniyalı müdafiəçi ilə maraqlanır
• Almaniya millisində itki yaşanıb
• İspaniya millisinin üzvü “İnter”in radarında
• Millilərimizin oyunları bu kanallarda - TV AFİŞA