“Qəbələ” klubunun baş məşqçisi Toni Adams yeni təklif alıb. Apasport.az saytının məlumatına görə, Böyük Britaniya mətbuatı 45 yaşlı mütəxəssisin “Bristol Rovers” komandasında çalışa biləcəyini yazıb.

Belə ki, ölkə çempionatının 4-cü dəstəsində (İkinci Liqa) çıxış edən klubun sahibi Nikk Hiqqs İngiltərə futbolunun əfsanəsi ilə danışıqlar aparmaq qərarına gəlib. Hazırda baş məşqçisiz olan “Rovers” rəhbərliyi Adamsa xilaskar gözü ilə baxır. Bristol şəhərində isə danışıqların müsbət nəticələnəcəyi ilə bağlı şayiələr yayılıb.

Komandanın azarkeşləri artıq Adamsın köməkçisinin də kimliyi ilə bağlı xəbərlər yayıb. Guya ki, “Qəbələ”nin baş məşqçisi vətənə qayıdacağı halda, Naycel Martini yanına aparacaq. Uzun illər yığmada ehtiyat qapıçı olan Martin Adamsla elə millidən yaxşı tanışdır. 1988-2002-ci illərdə yığmada olan qolkiper “Lids” və “Everton”da parlayana qədər məhz yetişdiyi Bristol təmsilçisində çıxış edib.

• Nuri Şahin gedir, Ten Haq gəlir
• Premyer Liqanı Bundesliqaya dəyişəcək
• Avropanın rəmzi komandası açıqlanıb
• Sabiq "Neftçi"linin yeni ünvanı bəlli olub
• "Mançester Siti"nin keçmiş kapitanı və baş məşqçisi vəfat edib