"Bakı"nın Syerra-Leonedən olan legioneri İbrahim Karqbo mövsümün yekunu ilə bağlı açıqlama verib. Apasport.az saytının xəbərinə görə, çempionata inamsız başladıqlarını bildirən Karqbo bunun nəticəsi kimi, cari ilin uğursuz bitdiyini də etiraf edib: "Mövsümə çox inamsız başladıq. İstədiklərimizi edə bilmədik. Nəticədə mövsüm bizim üçün uğursuzluqla yekunlaşdı".

O, daha sonra Azərbaycan futbolu barədə də danışıb: "Düzünü desəm, Azərbaycana gəlməzdən öncə həm ölkə, həm də futbolunuz barədə məlumatım az idi. Bura gələndən sonra gördüm ki, Azərbaycanda futbol anlayışı nisbətən fərqlidi. İnanıram ki, zaman keçdikcə çox şey dəyişəcək. Burada gördüm ki, klubumuzun prezidenti futbola, eləcə də komandaya sevgi ilə yanaşan bir insandı. Məhz buna görə də gələcəkdə komandanın uğur qazanacağına inanıram".

Karqbo Syerra-Leone millisindən də söz açıb: "İki ildi ki, yığmanın kapitanıyam və müntəzəm olaraq çıxış edirəm. Səmimi olaraq deyim ki, ölkəmdə Azərbaycana gedəcəyimi deyəndə məyus olmuşdular. Çünki orada heç kim Azərbaycanı tanımırdı. Ancaq daha sonra buradakı vəziyyət və yaradılmış şərait barədə danışanda, eləcə də həmvətənim Vobayın "Xəzər-Lənkəran"da oynadığını deyəndə onların ölkəniz haqqında fikri yaxşı mənada dəyişdi".

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq