Bakının "İnter" klubunun 10 yaşlı futbolçulardan ibarət komandası Almaniyada beynəlxalq turnirdə iştirak edib. Apasport.az saytının məlumatına görə, bakılılar “TV Elverdissen E1910” klubunun stadionunda keçirilən “Internationaler U-11-Cup” turnirinə qatılıb.

Təmsilçimiz 4 komandanın mübarizə apardığı D qrupunda meydan sahiblərinə 1:0 hesabıyla qalib gəlib. Oyunda yeganə qolun müəllifi Təbriz İsazadə olub. Almaniyanın digər təmsilçisi “SG Unvertürkheim”i 2:1 yenən “İnyter”in qollarını Təbriz İsazadə və Seyhan Fərəcov vurublar. Almaniyanın digər təmsilçisi “TUS Ahmsen” də paytaxt futbolçularının gücünü hiss edib və oyun 1:0 hesabıyla başa çatıv. Bu dəfə Eltac Məmmədov fərqlənib.

Beləliklə, "İnter" 9 xalla qrupun lideri kimi növbəti mərhələyə yüksəlib.
Bu dəfə də qrupda mübarizə aparan bakılılar qələbələri ard-arda sıralayıb. “ASV Dachau” komandasını 2 dəfə mərkəzdən başlamağa vadar edən "İnter"in qollarını Təbriz İsazadə vurub. “TUS Hunnebrock”a 0:1 hesabıyla uduzduqdan sonra təmsilçimiz yarımfinala vəsiqə qazanmaq üçün mübarizədə “SV Vaihingen” komandasına qalib gəlib. 0:0 hesablı bərabərliklə başa çatan görüşün qalibi 11 metrlik cərimə zərbələri nəticəsində müəyyənləşib. Bakılılar 5:3 hesablı qələbə qazanaraq yarımfinala yüksəlib.

Yarımfinalda "İnter" İngiltərənin “Luton Taun” klubunu da penaltilərlə keçib. Qolsjuz bitən görüşdən sonra futbolçularımız 3:1 hesabına sevinib. Finalda növbəti dəfə Almaniyanın “SV Vaihingen”lə görüşən təmsilçimiz 0:2 hesabı ilə uduzaraq 2-ci olub.

Qeyd edək ki, iyunun 24-də komandamız Almaniyada keçirilən digər beynəlxalq səviyyəli yarışda - “SV RW-Bentfeld Cup” turnirində iştirak edəcək.

• Fatih Terimin köməkçisi Super Liqa klubunda - RƏSMİ
• "Beşiktaş"da ciddi itki - 1 ay oynamayacaq
• Günün canlı yayımlanacaq matçları - TV AFİŞA
• “Nyukasl” kapitanını İtirdi
• “Yuventus”dan Makkeni qərarı