“Qarabağ” qələbəni son saniyələrdə əldən verdi

14.07.2011 - 23:57

Avroliqada II təsnifat mərhələsinin ilk oyunlarına start verilib. Apasport.az saytının məlumatına görə, turnirdə ölkəmizi təmsil edən hər 2 komanda bu mərhələdə mübarizəyə səfərdə başlayıblar. “Xəzər Lənkəran” Təl-Əviv “Makkabi”si ilə çətin oyuna çıxıb.

Bundan 30 dəqiqə sonra Farer adalarının “Streymur” klubu ilə görüşə çıxan “Qarabağ” nisbətən asan rəqiblə görüşsə də qələbə qazana bilməyib. Erkən qol vuran təmsilçimiz qarşılaşma boyu hesabda irəli olub. Lakin görüşə 15 futbolçu sifariş edən rəqib sonadək mübarizə apararaq son saniyələrdə tarazlığı bərpa edib – 1:1. Bu, komandamızın cari mövsüm Avroliqada qələbə qazana bilmədiyi ilk matç olub.

Avroliqa, II təsnifat mərhələsi

İlk oyunlar

14 iyul

23:00. “STREYMUR” (TORSHAVN, FARER ADALARI) – “QARABAĞ” (AĞDAM, AZƏRBAYCAN) - 1:1
QOL: Rauf Əliyev, 11, Ambyorn Hansen, 90+3
SARI VƏRƏQƏLƏ: Namiq Yusifov, 47, Ambyorn Hansen, 89, Admir Teli, 90+4
STREYMUR: 1. Rene Torqard, 2. Aleks dos Santos, 3. Pauli Hansen, 4. Gert Ade Hansen, 6. Petue Dam Yakobson, 8. Eqil Bo (k), 10. Vasile Angel, 11. Hans Pauli Samuelson, 14. Daniel Udsen (7. Levi Hansen, 70), 22. Arnbyorn Hansen, 23. Leyf Niklasen (9. Arnat Dam, 80)
EHTİYAT OYUNÇULAR: 30. Yoan Paolo Yakobson, 5. Pol Qrunveit Olsen
BAŞ MƏŞQÇİ: Hedin Askham
QARABAĞ: 99. Boyan Pavloviç, 5. Maksim Medvedev, 6.Rəşad Sadiqov (k), 7. Namiq Yusifov, 11. Rauf Əliyev (9. Bəxtiyar Soltanov, 70), 14. Rəşad Sadıqov, 17. Vüqar Nadirov, 22. Əfran İsmayılov, 24. Admie Teli, 25. Ansi Aqolli, 77. Georgi Adamiya
EHTİYAT OYUNÇULAR: 1. Fərhad Vəliyev, 2. Qara Qarayev, 4. Zaur Həşimov, 10. Emin İmaməliyev, 18. İlqar Qurbanov, 20. Nderim Nedzipi
BAŞ MƏŞQÇİ: Qurban Qurbanov
Baş hakim: Mark Steven Uitbi (Uels)
Hakim-köməkçiləri: Edvard King, Filip Tomas, Brayan James (hamısı Uels)
Hakim-inspektor: Jari Maisonlahti (Finlandiya)
UEFA nümayəndəsi: Odd Flattum (Norveç)
Torshavn. “Qundadalur” stadionu