Hazırlıqların ev hissəsini ikitərəfli oyunla tamamlayan "Bakı" iyulun 17-də ikinci təlim-məşq toplantısının məskəni Sloveniyaya yollanır. Apasport.az saytının məlumatına görə, komanda 12 gün ərzində məşq etməklə bərabər 4 yoldaşlıq görüşü keçirəcək. Artıq rəqiblərin adları da bəllidir.

İyulun 20-də ilk rəqib Sloveniya birinci liqa təmsilçisi "NK Radomlje" klubu olacaq. Ertəsi gün Aleksandr Starkovun yetirmələri Türkiyə superliqasını 9-cu pillədə başa vuran "Kardemir Karabükspor"la qarşı-qarşıya gələcək.

İyulun 24-də Yunanıstan üçüncüsü AEK (Afina) ilə yoldaşlıq oyunu baş tutacaq. Bakılılar 4-cü və son qarşılaşması ayın 27 və ya 28-də təsadüf edəcək. Həmin gün rəqib İtaliya, Xorvatiya və ya Sloveniya klublarından birinin olması planlaşdırılır.

Mənbə: fcbaku.com

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı