Rusiya millisinin baş məşqçisi Dik Advokat Azərbaycan yığmasının çalışdırıcısı Berti Foqtsla Braziliyada görüşə bilməyib. Apasport.az saytının məlumatına görə, hollandiyalı mütəxəssis alman həmkarı ilə Rio-de-Janeyro şəhərində keçirilən 2014-cü il dünya çempionatının seçmə mərhələsində püşkdən sonra söhbətləşmək istəsə də, buna nail olmayıb: “Mən püşkdən sonra rəqiblərimizdən Şimali İrlandiya və Lüksemburq yığmalarının nümayəndələri ilə görüşdüm. Berti Foqtsu isə oteldə gördüm. Ancaq görünür, o, püşkdən dərhal sonra gedib”.

Qeyd edək ki, Rio-de-Janeyroda keçirilən püşk iyulun 30-da Bakı vaxtilə saat 23:00-da keçirildi. Foqts artıq bu gün millimizi Bakıda bir araya gətirərək, 4 günlük təlim-məşq toplanışı keçirdiyindən və Braziliyadan bura uzaq yolu nəzərə alaraq, orada çox qalmayıb.

• “Çelsi” kapitanını cəzalandırıb
• “Trabzonspor” - “Qalatasaray” matçı bu kanalda
• Fernandeş ayın oyunçusu seçildi
• Gözlənilən oldu - Qattuzo istefa verdi
• Luçesku yenidən xəstəxanaya yerləşdirilib