“Real” – “Barselona” matçına bilet tapılmır

01.08.2011 - 11:28

Madrid “Real” ilə “Barselona” arasında keçiriləcək növbəti derbi oyuna maraq həddən artıq böyükdür. Apasport.az saytının məlumatına görə, avqustun 14-də keçiriləcək Superkubok oyununa hələ 13 gün qalsa da, “Santyaqa Bernabeu” stadionunda baş tutacaq matçın biletlərin hamısı qurtarıb.

Budəfəki “El Klassiko”ya ən ucuz biletin qiyməti 35, ən bahalı 130 avrodur. İndi azarkeşlər yalnız VİP lojada biletləri ala bilərlər ki, bunlar məhdud saydadır.

Qeyd edək ki, “Barselona” son 2 ildə Superkuboku qazanıb. Komanda son çempion, əzəli rəqibi “Real” isə onu finalda yenərək, ölkə kubokunu qazanıb.