“Xəzər Lənkəran”ın baş məşqçisi Mirça Rednik futbolçu sarıdan korluq çəkir. Apasport.az saytının məlumatına görə, rumıniyalı mütəxəssis bildirib ki, sərəncamında olan futbolçuların sayı artırılmalıdır.

“İndi sərəncamımda 14 futbolçu var ki, bunun üçü qapıçı, 11-i sahə oyunçusudur. Hazırda bir sıra futbolçuların müqaviləsi ilə bağlı məsələləri həll edirik. Azərbaycanda yaxşı pul qazanmaq mümkün olsa da, nəticə qazanmaq də vacibdir. Klubumuzun sahibi Təl-Əviv “Makkabi”si keçə bilməyimizə görə üzüldü. Ancaq onu da nəzərə almalıyıq ki, biz oyuna bir neçə həftə qalmış yığışmışdıq” – deyə, Rednik bildirib.

Qeyd edək ki, Avroliqada “Makkabi”ni keçə bilmədikdən sonra Rednikin istefası ilə bağlı müzakirələr getsə də, sonda postunda qalması barədə qərar verildi.

• “Çelsi” kapitanını cəzalandırıb
• “Trabzonspor” - “Qalatasaray” matçı bu kanalda
• Fernandeş ayın oyunçusu seçildi
• Gözlənilən oldu - Qattuzo istefa verdi
• Luçesku yenidən xəstəxanaya yerləşdirilib