Azərbaycan milli komandasının bu gün Bakıda başlayan təlim-məşq toplanışına daha bir futbolçu dəvət olunub. Apasport.az saytının məlumatına görə, Almaniyanın “Frayburq” klubunun hücumçusu Ufuk Budak sabahdan yığmamızın hazırlığına qatılacaq. Ufuk Almaniyada oynayan türk futbolçularındandır ki, AFFA-nın apardığı seleksiya işi nəticəsində onda Azərbaycan kökü aşkarlanıb.

Budak hələ bu ilin mayın 31-də 21 yaşlılardan ibarət yığmamızın (U-21) moldovalı həmyaşıdları ilə yoldaşlıq görüşündə sınanmışdı. O, U-21-mizin avqustun 1-dən 4-dək Bakıdakı təlim-məşq toplanışına çağırılsa da, millimizin baş məşqçisi Berti Foqts onu öz komandasında sınamağı qərara alıb.

• “Çelsi” kapitanını cəzalandırıb
• “Trabzonspor” - “Qalatasaray” matçı bu kanalda
• Fernandeş ayın oyunçusu seçildi
• Gözlənilən oldu - Qattuzo istefa verdi
• Luçesku yenidən xəstəxanaya yerləşdirilib