“Məncə, yığmanın toplanışı faydalı oldu. Bu hazırlıq rəsmi oyunlar öncəsi bizə kömək edəcək”. Bu sözləri apasport.az saytına açıqlamasında Azərbaycan yığmasının müdafiəçisi Vurğun Hüseynov deyib.

Avqustun 22-dən etibarən təlim-məşq toplanışına yığışan milli komandamız 3 günlük hazırlığını bu gün başa vurdu. Səhər məşqindən sonra futbolçular klublarına yollandılar. Hazırlıq barədə danışan 23 yaşlı futbolçu əsasən taktiki planda çalışmalara üstünlük verdiklərini vurğulayıb: “Taktiki gedişlər üzərinə işlədik. Fiziki yükləmə olmadı. Çünki klubların həftəsonu oyunları var. Baş məşqçi də bunu nəzərə alıb, əsasən topla çalışmalara üstünlük verdi”.

Yığmadakı ab-havanın yaxşı olduğunu qeyd edən Hüseynov qarşıdakı oyunlarda müsbət nəticə qazanacaqlarına inanır: “Uşaqların əhval-ruhiyyəsi yaxşı idi. Qarşıdakı oyunlara ciddi hazırlaşırıq. Yorğunluq hiss olunmurdu. Məncə, müsbət nəticə qazanacağıq”.

• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI